बार्शीत शहीद दिनानिमित्त प्रसन्नदाता गणेश मंदिर ट्रस्टच्या वतीने  रक्तदान शिबीर

बार्शी ; महाराष्ट्र स्पीड न्युज
शहीद दिनानिमित्त बार्शीच्या श्री.प्रसन्नदाता गणेश मंदिर ट्रस्टच्या वतीने मंगळवारी (ता.23) बार्शीच्या श्रीमान रामभाई शाह रक्तपेढीच्या वतीने घेण्यात आलेल्या रक्तदान शिबीरात सुमारे 125  रक्तदात्यांनी उस्फूर्तपणे रक्तदान करत शहीदांना श्रध्दांजली वाहत राष्ट्रप्रेम व्यक्त केले.
शिबीराची सुरवात मंगळवारी सकाळी नऊ वाजता अ‍ॅड.नितीन बकाल व रामभाई शाह रक्तपेढीचे उपाध्यक्ष अजित कुंकूलोळ यांच्या हस्ते दीपप्रज्वन करून झाली. यावेळी मान्यवरांच्या हस्ते शहीद स्वातंत्र्य सैनिक भगतसिंग, राजगुरू व  सुखदेव यांच्या प्रमितेचे पूजन करण्यात आले. यावेळी प्रसन्नदाता गणेश मंदिर ट्रस्टचे प्रमुख कमलेश मेहता, बंडू माने, राहुल कुंकूलोळ, प्रमोद भंडारी, किशोर कांकरीया, राजाभाऊ मंजुगडे, रूपेश देवधरे,अमोल येवनकर, हर्षल रसाळ, दीपक ढगे, ललीत वस्ताद, धनु गायकवाड व अन्य सदस्य उपस्थित होते. सकाळी नऊ ते सायंकाळी या दरम्यान महिला तरूण मंडळींनी व नागरीकांनी उस्फूर्तपणे रक्तदान करत शहीदांना आदरांजली वाहिली. सद्य उन्हाळा सुरू असून रक्ताचा तुटवडा जाणवू नये म्हणून शहीद दिनाचे औचित्य साधून रक्तदान शिबीर आयोजित करण्यात आल्याची माहिती प्रसन्नदाता गणेश मंदिर ट्रस्टचे संयोजक कमलेश मेहता यांनी यावेळी दिली. रक्तदान शिबीर यशस्वीतेसाठी रामभाई शाह रक्तपेढीचे कर्मचारी तसेच प्रसन्नदाता गणेश मंदिर ट्रस्टचे पदाधिकारी यांनी परिश्रम घेतले.
—